單程證議案「撻Q」 AY去信議員道歉
[2019.01.15] 發表
【明報專訊】公民黨黨魁楊岳橋(AY)上周三(9日)因為掛住睇《國歌法》記者會直播而「撻Q」，立法會主席梁君彥以AY不在席為由，宣布唔處理佢動議嘅檢討單程證政策議案；AY當日公開鞠躬致歉，原來佢翌日亦有去信全體議員道歉，仲拜託議員代為向負責今次議案嘅助理同事轉達歉意。AY同Emily講，去信所有議員致歉係因為真係打搞到人，「其他人真係準備咗(發言)」。至於未來會否再提議案？佢就話都睇緊有冇機會。
信中提到，AY就1月9日立法會會議上，因故未能及時返回會議廳動議「檢討單程證政策」議案，令議案未能動議一事，向議員致以深切歉意，亦請佢哋代向辦事處負責今次議案資料蒐集、提交修正案、撰寫發言稿嘅助理同事，轉達佢嘅真誠道歉。
更多港聞
【明報專訊】長者退休年齡近日引起爭議，原來立法會都有呢方面嘅討論。據Emily了解，行政管理委員會噚日開會時，曾經討論係咪將合約清潔工轉為直...
詳情
珠海新校舍正式開幕 校董會主席：升格評審順利展開
【明報專訊】珠海學院於2016年由荃灣校舍遷入位於屯門青山灣的新校舍，主校舍及賽馬會教學大樓昨日舉行開幕典禮。珠海學院校董會主席江可伯致辭時... 詳情
相關新聞
