【明報專訊】《財政預算案》宣布向18歲以上市民派錢1萬，唔少人都討論點用好。沙田區議員趙柱幫收到街坊一張1萬元嘅支票(圖)，資助佢買防疫用品畀社區有需要嘅人，不過佢同Emily講，呢位街坊喺財爺公布派錢前已講到要捐錢畀佢哋，所以同政府派錢未必有關，佢話主要會用筆錢買口罩，因為現時供應仍然緊張，希望可以採購多啲平啲嘅口罩，優先畀長期病患者等有需要人士。 油尖旺區議員林兆彬就話，去年區議會選舉，民主派總得票有167.7萬票，每人獲派錢1萬，意味陣營總共有167.7億元，如果用一半推動民主運動、黃色經濟圈，都有成84億，會唔會可以用以捐助612基金或者星火基金、捐助網媒，以至成立初創基金資助黃店，「TVB市值其實都係53.4億元」，唔通佢想集資買TVB？
|
| |
| |
;){kind=small}
