【Emily】邵家臻《坐監記》 監獄列禁書
[2020.03.03] 發表
【明報專訊】社會福利界立法會議員邵家臻一直為囚友爭取應有權利，佢早前因為「佔中9人案」入獄8個月，就將自己嘅獄中點滴寫成《坐監記》，但佢想送呢本書畀囚友睇都波折重重。阿臻喺facebook透露，《坐監記》被懲教署列為禁書，理由係「影響監房秩序」。佢話收書嘅囚友需要填表格，一係撕走其中3頁(第21-22、93-94、149-150頁)，先可以喺獄中閱讀，否則就唔准送入監獄，要將本書送喺「包頭」、即囚友嘅財產中，出獄時先可以拎走，或者要成本書丟掉。
阿臻同Emily講，嗰3版內容分別關於自製食物，例如佢介紹將陳皮同檸檬茶溝埋一齊可以製作潤喉食品、寄信畀議員令文章可以繞過懲教署監管，以及為囚友爭取出獄探垂危爸爸。佢話之前畀咗20多本囚友閱讀，有囚友睇得開心、亦有人覺得佢喺獄中寫到書好犀利。對於懲教署今次將此書列為禁書，阿臻認為係「對人多於對事」、小題大做。
更多港聞
【明報專訊】武漢肺炎疫情令今年嘅兩會推遲，立法會過去為咗遷就身兼人代同政協嘅立法會議員赴京開會，3月都會休會兩星期；近日立法會多個會議亦取消...
詳情
【Emily】市民送布口罩 陳克勤感動得不知所措
【明報專訊】武漢肺炎疫情持續，議員頻頻落區派口罩、漂白水等，民建聯立法會議員陳克勤噚日就反被市民送上防疫用品：自家製布口罩數個。克勤形容被感... 詳情
【明報專訊】由落選建制派區議員成立嘅「議會監察」喺社交網站上，批評公民黨譚文豪（Jeremy）喺疫情嚴峻時仲搞聯歡晚宴，形容Jeremy係搞...
詳情
相關新聞
