【Emily】譚德塞籲尊重醫護 網民貼理大醫護被捕相洗版
[2020.04.21] 發表
【明報專訊】世衛應對疫情嘅表現備受爭議，總幹事譚德塞噚日就喺Twitter發文，呼籲大家要尊重醫護中立，仲話「攻擊醫護等同攻擊人道主義(Attacks on health care are attacks on humanity)」(圖)。帖文引嚟網民「洗版」，喺佢Twitter貼咗舊年香港理大衝突期間，有義務醫護人員被捕嘅相，要佢回應。
譚德塞喺Twitter提到，一年前世衛有醫護人員喺剛果民主共和國對抗伊波拉疫情時，因為身處嘅醫院遭襲擊而喪生。佢話好多醫護喺拯救其他人時失去性命，呼籲大家尊重醫療中立，唔好視醫護為攻擊對象。
網民：港府係咪都攻擊人道主義
喺佢發文半日內，已經有幾百個網民回應。唔少人留言話同意譚德塞睇法，仲貼咗理大衝突期間十幾個著住反光衣嘅義務醫護同急救員被捕、坐喺地下雙手被索帶反綁嘅相，要求佢回應。亦有網民貼咗本港醫護罷工集會嘅相，批評「港府攻擊醫護」，問譚德塞「港府係咪都攻擊人道主義」。
不過，譚德塞唔係太理網民回應，佢之後幾篇帖文主要感謝各國支持世衛，亦分享咗有超過110名來自多地歌手參與嘅抗疫網上演唱會片段。
更多港聞
【明報專訊】留家抗疫令唔少機構同學校轉用視像會議軟件開會同上堂等，但衍生唔少私隱問題。個人資料私隱專員黃繼兒噚日向記者介紹公署新增咗4個網上...
詳情
【Emily】傳有意參選 近期較活躍 霍啟剛世界閱讀日陪仔睇書
【明報專訊】4月23日係世界閱讀日，盛傳有意出戰9月立法會「體育、演藝、文化及出版界」嘅港協暨奧委會副會長霍啟剛，喺facebook分享同囝... 詳情
行業學堂：嶺大環球博雅教育 着重交流 擴闊視野
【明報專訊】大學五件事：住宿舍、exchange（到外地交流）、拍拖、上莊（組織學會內閣）、做兼職，你認為哪件事最重要？如果你選擇excha... 詳情
相關新聞
