【Emily】大嶼山4區錄52種蜻蜓 環團促選列保育區
[2021.02.04] 發表
【明報專訊】規劃署上月初公布大嶼山4個地點嘅發展審批地區草圖(下稱「草圖」)，分別位於沙螺灣及䃟頭、深屈及䃟石灣、貝澳坳，以及梅窩北，面積共約500公頃。綠色力量調查發現，呢4張草圖涵蓋嘅範圍共錄得52種蜻蜓及豆娘，佔全港蜻蜓物種約四成，其中6種係比較罕見嘅品種，不過佢哋嘅棲息地，大部分建議劃為「非指定用途」，綠色力量認為未足以有效保護呢幾個地點嘅生態同自然環境。
佔全港蜻蜓物種四成 6種較罕有
綠色力量建議，將呢4張草圖中生態價值較高地點，例如溪流、沼澤及其周邊約30米範圍，包括成熟樹林在內嘅陸地生境列為「自然保育區」，嚴格限制土地發展用途，避免其他發展、基建或開闢新道路等破壞。
該52種蜻蜓之中，6種係較罕有品種，當中沙螺灣錄得廣東彎尾春蜓，全球分佈局限並只喺南中國有紀錄；喺沙螺灣及䃟頭均錄得出沒嘅黃頸原扁蟌，只喺南中國及越南有紀錄；梅窩北部錄得海灣爪蜻及海南環尾春蜓，兩者都係本地不常見品種。此外，深屈嘅溪流錄得細腰長尾蜓、貝澳坳嘅「具重要生態價值河溪」上游就錄得日本長尾蜓，均被列為本地關注物種。
事實上，大嶼山大部分地區一直未有草圖覆蓋，規劃署唔可以就違規行為執法，例如傾倒泥頭及砍樹等。綠色力量雖然支持公布呢4張草圖，但就希望將部分高生態價值土地劃為「自然保育區」，加強保育，配合有效執法，保護大嶼山鄉郊環境。
更多港聞
【Emily】新民黨民建聯「聯婚」 葉劉請食飯盒報喜
【明報專訊】新民黨主席葉劉淑儀噚日同黨友容海恩喺立法會請記者食飯盒，公布政圈喜訊：新民黨同民建聯「聯婚」。新民黨社區主任廖添誠（Marcus... 詳情
【Emily】拍片向長者送暖 袁嘉蔚3人組跳「螃蟹舞」
【明報專訊】農曆新年就快到，疫情關係，上門同老友記拜年可免則免，3名南區區議員袁嘉蔚、黃銳熺、陳衍冲噚日響應創新義工平台「社職」嘅呼籲，足不... 詳情
新通識內地考察 成績或列證書 問學校「反映學生學習表現」方式 列4選擇
【明報專訊】教育局提出高中通識教育整頓，新課程大篇幅教授國家成就及貢獻，亦增設學生要到內地考察，教育局長楊潤雄早前稱「不可能強迫學生去」。當... 詳情
【明報專訊】中共中央日前印發全面加強新時代少先隊工作的意見，在「提升少先隊社會化工作水平」一段中，提及要加強與港澳台少年兒童組織、機構的交流...
詳情
相關新聞
