【Emily】拍片向長者送暖 袁嘉蔚3人組跳「螃蟹舞」
[2021.02.04] 發表
【明報專訊】農曆新年就快到，疫情關係，上門同老友記拜年可免則免，3名南區區議員袁嘉蔚、黃銳熺、陳衍冲噚日響應創新義工平台「社職」嘅呼籲，足不出戶都可以做義工，用手機拍片為長者送暖，3個一齊跳來自泰國、早排大熱嘅「螃蟹舞」。袁嘉蔚將條片上載facebook，見佢動作流暢跟足拍子，但兩名男生就顯得有啲生硬喇，不過都獲網民留言大讚可愛，亦有網民問：「𠵱家做區議員要咁多才多藝咩？」
收集影片院舍播放 聽日截止
袁嘉蔚喺片中祝老友記「身體健康、新年快樂」，陳衍冲就祝老友記「龍馬精神、出入平安」，黃銳熺祝大家「心想事成、笑口常開」。
「社職」今次收集送暖影片嘅活動聽日就截止喇，團體會將收集到嘅送暖影片，畀各長者服務機構伙伴用於視像探訪同中心院舍播放。有心送暖者，可以上社職網站留意詳情。
更多港聞
新通識內地考察 成績或列證書 問學校「反映學生學習表現」方式 列4選擇
【明報專訊】教育局提出高中通識教育整頓，新課程大篇幅教授國家成就及貢獻，亦增設學生要到內地考察，教育局長楊潤雄早前稱「不可能強迫學生去」。當... 詳情
【明報專訊】中共中央日前印發全面加強新時代少先隊工作的意見，在「提升少先隊社會化工作水平」一段中，提及要加強與港澳台少年兒童組織、機構的交流...
詳情
相關新聞
