【Emily】浸大新聞訪問學人 明報兩人入選
[2023.06.01] 發表
【明報專訊】浸大傳理學院噚日宣布，有4名資深傳媒人入選第二屆「新聞工作者訪問學人」計劃，有兩個係本報同事。其中駐廣州記者站主任陳子凌話，過去一直思考係咪要重返校園進修，裝備自己，加上感覺到近年行內變化日新月異，期望緊貼潮流，如了解新媒體或人工智能對新聞行業工作嘅幫助，達至「周身刀，有多幾把刀傍身」嘅目標。
盼「周身刀，有多幾把刀傍身」
另一個係國際組編輯主任洪金法，理科出身嘅佢對文字工作同攝影有濃厚興趣，深信「新聞是歷史的初稿」，新聞工作者嘅工作就係記錄時代，故認為新聞工作者重要嘅特質之一就係知識同見識。佢期望喺計劃中充實自己，增廣見識見聞，協助整個行業同公司發展。
「新聞工作者訪問學人」屬全港首個同類計劃，畀在職新聞工作者提供休假進修機會，獲選者喺2023/24年度會以全職學生身分，旁聽浸大經授課老師核准嘅任何本科或碩士課程科目。我哋同事就揀咗進修4個月，其薪金由計劃支付。另外兩個入選行家為BBC中文部資深記者及編輯伍江川、無綫電視新聞及資訊部助理編輯主任李偉達。
更多港聞
【Emily】話招商未必要設經貿辦 林健鋒倡喺使館「設櫃枱」
【明報專訊】經民聯立法會（商界一）議員林健鋒（Jeffrey）早前與商界共同成立「香港大使會」，佢透露將於6月中率團出訪阿聯酋首都阿布扎比及... 詳情
六成直資申加學費 兩年最多 稱資助沒增、成本上漲 男拔小一加15%
【明報專訊】直資學校已擬定2023/24學年學費，待教育局審批。局方昨稱，收到49份加學費的申請，佔全部61%，比例較去年同期48%、202... 詳情
【明報專訊】教育局正審核幼稚園提交2023/24學年學費調整申請，局方昨稱截至5月中，全港逾1000間幼稚園，約620間幼稚園申請加學費，較...
詳情
【明報專訊】宏信書院一名前中學教師，涉嫌於前年隱瞞其服務供應商主要股東身分，詐騙學校委聘該服務供應商為學生舉辦一個工作坊，早前被廉署落案起訴...
詳情
相關新聞
