安歷基欲調走愛將留力美斯抗命拒絕被換
[2014.10.21] 發表
咁快一個星期，上星期球王美斯先在香港帶領阿根廷派7蛋畀港足，早兩日為巴塞隆拿踢#一場西甲之後，今日又要在歐聯出戰阿積士，而且幾日後更要硬碰皇家馬德里。教練安歷基為了讓美斯休息，上仗原本想換走佢，不過美斯竟然拒絕離場，連「老細」都畀佢吹脹。
話說巴塞上仗對伊巴時已經贏到3球，美斯仲要入#個靚波，只差1球就可以追平名宿沙拉的251球紀錄，成為西甲入球王。
安歷基呢個時候諗住畀美斯##，小將蒙尼亞艾哈達迪已在場邊待命，安帥在場邊大叫「Leo、Leo」，只可惜佢並唔係美斯心中果條蟲，唔知「球王」想入多兩球破紀錄，定係在香港已經坐夠板#，於是擰轉身背向教練，只豎起拇指便繼續作賽。
阿蘇曾以為「咬斷」自己事業
在美斯「疑似」拒絕離場後，安歷基只好回頭指示助教更改換人紙。邊個慘成「替死鬼」？答案係尼馬。安帥賽後迴避美斯係咪「公民抗命」，只係叫佢唔需要太在意破紀錄﹕「我諗過畀美斯##，但你知道總要冒住入少球靚波的『風險』。其實美斯根本唔使以破紀錄作為動力，我來到巴塞後，佢每場波同每次訓練都出盡全力。」至於球隊高層蘇比沙列特更講到明球隊第一﹕「我寧願打低皇馬，多過美斯在班拿貝破紀錄，佢一定要為球隊而戰，而不是只想破紀錄。」
巴塞今日在歐聯分組賽F組迎戰阿積士，但前鋒蘇亞雷斯的停賽令仲差幾日先屆滿，所以佢目光只係放在周六作客皇馬的復出兼處子戰。對於在世界盃因咬人而停賽4個月，「阿蘇」明言「以為自己事業差#玩完」；而佢又賣口乖，話支持安歷基不偏不倚、嚴格按照專業判斷來排陣，假如自己唔夠fit亦願意打後備喎。可能對安歷基來說，呢點佢絕對聽話過美斯。
更多體育二
國際羽聯全年12站超級系列賽之一的法國公開賽21日將於巴黎開賽，中國羽毛球隊在男單賽場由小將唱主角，在女單和3個雙打項目上則派出強大陣容。原...
詳情
相關新聞
