購物城難十一前開幕
[2017.09.14] 發表
【明報專訊】原本以內地居民為目標群嘅新田邊境購物城，起初話喺前年十一黃金周前開，點知一拖再拖，最新估計話今年8月開。Emily等了又等，等到9月都未見其蹤影，購物城基金董事、民建聯立法會議員黃定光(象哥)日前同傳媒講仲差屋宇署張入伙紙(即佔用許可證)未拎到。不過，Emily問過屋宇署，署方話至噚日未收過有關項目嘅入伙紙申請。
Emily立即打畀象哥問吓咩事，佢話建築師同佢講，上月25號收到消防處同渠務署嘅批准，已喺當日向屋宇署申請入伙紙，佢都唔知發生咩事，要問吓建築師先知。象哥又話，睇嚟就趕唔切十一黃金周前開幕，佢同商戶其實都好心急，好想快啲入場，但都希望等所有牌照齊備先開幕，嚟緊會同各個相關部門再傾傾。
更多港聞
【明報專訊】2018年文憑試由昨天起接受報名，10月9日截止，學校考生必須經學校報名，符合應考資格的自修生則須自行報名。
考評局提醒報...
詳情
相關新聞
