無障礙設施被批不達標 張建宗﹕政府已「痛定思痛」
[2018.01.15] 發表
【明報專訊】政務司長張建宗過去負責勞福政策多年，升任司長後亦不時出席勞福團體活動，好似噚日朝早佢就分別出席復康會舉辦嘅「無障行者2018」起步禮及賽馬會特殊馬拉松2018嘅活動並致辭，仲提及政府幾年前已「痛定思痛」。講緊嘅係早幾年平機會有報告嚴厲批評政府好多地方嘅無障礙設施都唔達標，政府接受批評，用咗唔少資源令政府部門嘅設施達標。
話點對點交通靠復康會
張建宗話，復康會係政府長期合作伙伴，尤其係復康巴士為有需要人士提供點對點交通服務，形容呢個服務只有復康會呢個「專門店」，如果佢哋話唔做，政府都頭痛。佢話每年有90萬人次使用復康巴士，但服務仲未足夠，會繼續爭取多啲資源包括請司機等。
張建宗兩個活動致辭都分別提到社區無障礙設施，佢話唔止硬件，喺思維上都要加強公眾意識，真正建立關愛共融社會，佢又話自己經常幫襯喺政府總部外嘅iBakery，該處有超過六成員工都係殘疾朋友，佢哋優秀嘅表現街知巷聞，證明傷殘人士、智障人士融入社會係無問題嘅。
更多港聞
教師評STEM教育成效僅過半 青協倡設10億基金 撥款須審批
【明報專訊】政府鼓勵學校推動STEM（科學、科技、工程和數學）教育，青年協會調查發現，以10分為滿分，受訪中學教師對學校推行STEM教學的平... 詳情
【明報專訊】年僅15歲、精於數學的香港土生土長學生何子駿就讀香港浸會大學附屬學校王錦輝中小學時已「跳級」兩次，今年更獲英國牛津大學數學系有條...
詳情
相關新聞
