九西辯論 鄭泳舜嘲泛民DQ馮檢基
[2018.01.31] 發表
【明報專訊】商台節目《在晴朗的一天出發》噚日舉行立法會九龍西補選嘅選舉論壇，請咗候選人姚松炎、民建聯鄭泳舜、蔡東洲同場辯論。姚、鄭兩個都火力十足，喺自由辯論環節激辯，姚質疑鄭嘅選舉經費嚟自「阿爺」；鄭反擊話姚自己妄想被DQ、自己製造白色恐怖，仲嘲諷泛民DQ咗民協馮檢基。
勝出民主派初選嘅姚松炎，被問到係咪唔鍾意馮檢基做「Plan B」，佢話：「完全係誤會。」佢話民主動力已經清晰講述起草初選協議時共識，「大家民主派團結一致，無任何不滿」。
姚質疑鄭選舉經費來自「阿爺」
民建聯立法會議員蔣麗芸早前喺鄭泳舜嘅報名造勢大會，提醒佢要「擁抱爸爸」引嚟熱議，鄭形容呢啲只係小事，屬於「前輩對我嘅提醒」。問到佢當時係咪「真誠擁抱」爸爸，佢話：「真誠擁抱……大家心裏面明白啦。」
姚松炎喺自由辯論環節率先發炮，質疑鄭泳舜嘅經費嚟自「阿爺」，仲問鄭喺巴士車身、隧道口等廣告嘅費用，係「你爸爸出，定係阿爺出？」鄭強調嗰啲唔係選舉宣傳海報，只係民建聯恆常嘅地區宣傳工作，佢仲話選舉開支唔係大秘密，係可以去查。
鄭泳舜反擊姚松炎，話佢最近成日話自己會被DQ，係自己製造白色恐怖，又話馮檢基係九龍西唯一被DQ嘅人。
更多港聞
【明報專訊】特首林鄭月娥今日將首次到立法會出席為時半小時「短問短答」環節，接受議員就各項議題質詢，每人質詢限時3分鐘，預計林太一個人要「打十...
詳情
【明報專訊】浸會大學學生不滿普通話豁免試評分機制欠透明，本月17日到大學語文中心抗議，其間有學生說話中夾雜粗言。事後被停學的學生會會長劉子頎...
詳情
相關新聞
