【Emily】催淚煙湧至 貓貓「受驚流淚」 龜龜手撥眼 主人稱首見
[2019.08.07] 發表
【明報專訊】反修例運動遍地開花，警察喺多區放催淚彈，結果唔只影響人，有黃大仙居民話，18樓隻龜都被波及，用手撥眼。深水埗放催淚彈後，附近動物醫院都聞到，啲貓要即刻入深切治療病房避一避。
住喺黃大仙下邨、21歲嘅LLY(化名)話，前日下晝喺18樓走廊睇到樓下放催淚彈，雖無煙飄上嚟，但塊面好痛，流眼水；佢返屋企見隻水龜用手撥眼，「養咗幾年第一次見佢咁樣」。隻龜擺番落水缸就無事，但佢好嬲，唔明點解警察要喺民居放催淚彈，「搞到人唔緊要，𠵱家搞埋我隻龜！」
貓貓「大遷移」 診所：點解無通知
警察前晚喺深水埗警署外放催淚彈，相距百幾米嘅城大動物醫療中心受影響。醫療中心職員Ryan(化名)話，放催淚彈後，職員喺對正荔枝角道嘅貓病房聞到刺鼻氣味，於是要急急幫啲貓「大遷移」去深切治療病房。佢話啲貓明顯受驚同好緊張，除咗匿喺沙盆，仲喺貓籠度匿埋喺毛巾底，呼吸急促又快咗。Ryan唔明警察用催淚彈前，點解唔通知動物醫療中心，仲話見到民間發起11號深水埗遊行，唔知到時警察點處理、啲動物會唔會又受影響，好不安。
網民Matthew Ho就喺facebook「天下貓貓一樣貓群組」，上載咗張相，相中佢隻貓「忌廉」眯起雙眼，眼角有滴淚，網民話係催淚彈谷上嚟搞到咁，個帖文就標記咗係深水埗。Matthew後來更新番，話煙散咗之後「主子好多了」，仲希望「街上浪浪(流浪動物)平安」。
更多港聞
【Emily】福建社團聯會施榮忻：「木棍抗黑衣」信息屬假冒
【明報專訊】北角前晚發生有人結黨襲擊黑衣者事件，網上噚日就盛傳有人再聚集，唔少商舖提早落閘閂門。北角一向係福建人聚居地，唔少人都質疑施襲者係... 詳情
【Emily】民間記者會 手語傳譯connect聾人
【明報專訊】噚日反修例民間記者會設即時手語傳譯，有啲公關睇到，話唔少大企業同政府都未必做到。原來背後係民間團體「基進報導」主動聯絡搞手提供傳... 詳情
【明報專訊】一班網民噚日首度舉行民間記者會，備受關注，不過就發生一個小風波。立法會議員朱凱廸因為對記者會感到驚訝，分享直播時寫咗句潮語「我睇...
詳情
相關新聞
