【明報專訊】旅遊發展局噚日公布4月訪港旅客人次，單月有約530萬訪港旅客人次，按年升11%。其中內地客佔76.5%，訪港人次逾400萬，按年上升15.2%。但內地客中，248萬人次屬不過夜旅客。 旅遊界立法會議員姚思榮話，數據反映內地客旅遊及消費模式改變，𠵱家多咗人鍾意深度遊、綠色旅遊，亦見到購物團客下降，自由行客上升，預計2018年全年訪港旅客上升5％至8%，破6000萬人次。 姚思榮又話，4月係商務旺季，月尾連住內地嘅五一假期，再加上天氣好，無風無雨，亦有利吸引旅客訪港，該月酒店平均入住率超過90%，賣價上升，酒店收入平均上升10%。 至於新興市場，即印度、俄羅斯等地嘅訪港旅客人次亦按年升6.7%，達7萬人次，其中印度客佔50%，其次係俄羅斯客，佔24.5%，佢話，俄羅斯市場未穩定，反而印度市場已趨穩定。
|
| |
| |
;)
