【明報專訊】中聯辦噚日舉行新春酒會，仲搞搞新意思，主禮台背景板第一次掛上國徽，酒會開始時亦加插奏唱國歌環節。儀式開始前，場內超過1000名社會各界人士各自游走傾偈寒暄，人聲鼎沸，但當國歌奏起，各人立即停止交談並肅立面向國徽；立法會正處理國歌法立法程序，唔知中聯辦係咪想起正面示範作用？

背景板首掛國徽

其實，每年十一國慶酒會，或特區成立周年�鴾C一酒會都會奏播國歌，呢兩個場合亦係日後國歌法下「必須奏唱國歌場合」，而中聯辦每年一次�儱s春酒會，一直無播國歌環節，今年係第一次；仲有，以前中聯辦新春酒會�鴷D禮台背景板，紅色背景下只貼上「中華人民共和國駐香港特別行政區聯絡辦公室　新春酒會」等大字，今年背景板頂部就有國徽。

中聯辦主任王志民致辭時話中聯辦「一點都不神秘」，仲轉用廣東話講「同大家行埋一齊、同特區政府行埋一齊、同740萬香港市民行埋一齊」，話新一年中聯辦�鴾j門會愈開愈大，誠邀特區政府同社會各界朋友包括全體立法會議員到中聯辦春茗團拜，「食餐飯、傾�擸U」。