【明報專訊】區議會選舉年底舉行，唔少有意參選人都已展開地區工作。新民黨主席葉劉淑儀一直盛傳出戰屯門，不過佢都有可能遇到挑戰。Emily收到風，曾任機場發展關注網絡發言人嘅「立言香港」委員巫堃泰(Michael)，近日搬咗入屯門黃金海岸，更開始喺當區服務居民，假如葉太真係如傳言所指喺三聖區接黨友蘇炤成棒，兩人或會正面交鋒。 Michael同Emily講，搬入黃金海岸都係因為當區環境好，同葉太無關。早前發展商信和集團打算擴建黃金海岸，令當區小業主不滿海景被遮擋，雙方對簿公堂後信和最終勝訴；Michael話已就此案收到街坊查詢，未來佢會積極參與居民會議傾吓。今次出嚟服務地區，Michael形容，未來10年係香港能否保住自由嘅關鍵，雖然現時係民主運動低潮，但總唔可以無人打仗頂住赤化，所以選擇行出嚟喎。
|
| |
| |
;)
