【明報專訊】已故國際武打巨星李小龍位於九龍塘金馬倫道�麍G居「棲鶴小築」，最終都逃唔過拆卸重建。影迷會「李小龍會」噚日�鐪acebook專頁發帖，話李小龍故居�鷊~主同特區政府棄救下，噚日起拆毀，並形容「一代巨星故居終作飛灰」。

「李小龍會」鬧政府棄救

Emily噚日同李小龍會會長黃耀強傾過，佢話近兩個月都有同故居業主聯絡過，噚日朝早收到通知，話有工人同工程車進入故居地盤範圍準備開工。

富商余彭年1974年買入李小龍故居，2008年起提議捐作博物館，其間政府搞過概念設計比賽，但一直未就發展計劃細節達成共識。余彭年2015年去世，遺產撥入「余彭年慈善信託」，原本計劃復修故居作教學用途，但發現遇上技術困難，開始考慮重建。

余彭年2008年起提議捐出

黃耀強話，「李小龍會」當時去信政府希望協助業主復修，並發展為旅遊景點，但政府無任何反應，最後故居逃不過拆卸命運。佢批評政府完全唔重視港人集體回憶同歷史，「唔明白一個咁有歷史�龠等堿F府點解唔去諗保育」，對此感到好失望。唔少網民噚日留言都鬧爆政府眼光短淺，眼白白睇住一代華人傳奇�麍G居被拆，哀嘆本港毫不重視歷史同文化。