【明報專訊】區議會選舉提名期開始，有意參選者陸續報名。上個星期六(5日)政府發新聞公報，話沙田同屯門區選舉主任原有辦事處暫停服務，但就冇講咩原因，收提名嘅辦事處改喺觀塘創紀之城6期；選舉處噚日朝7點半就喺政府新聞網出稿，話改番去沙田同屯門收提名表。工黨主席郭永健朝早去觀塘撐黨友葉榮報名參選沙田區議會，佢喺facebook度鬧，話被政府嘅行政失當「玩殘」。要坐輪椅嘅葉榮亦出post，批評政府信息混亂，「搞到阿榮要報名一天遊！」 新聞網出稿 選舉處網站無寫 郭永健話佢噚日9點去觀塘打算撐葉榮報名，朝早交通已經好繁忙，一班義工用咗個幾鐘先到觀塘。佢批評，選舉事務處兩個鐘前(7點半)先喺新聞公報宣布，收提名嘅地方轉番去沙田，而選舉事務處自己網站嘅最新消息完全無寫。葉榮話佢一早出門口，批評「政府鍾意轉去邊就轉去邊！」
|
| |
| |
;){kind=small}
;)
