【明報專訊】香港芭蕾舞團嘅《天鵝湖》現正喺尖沙嘴文化中心公演，不過，噚日尖沙嘴一帶有示威，連《天鵝湖》都要被腰斬。「星屑醫生」歐陽英傑噚日下晝同太太去睇《天鵝湖》，點知中場休息時芭蕾舞團總監宣布要腰斬表演，仲叫大家離開。星屑醫生同Emily講，當時有好多一家大細睇表演，離開時都係和平有序，當中有唔少人坐船去中環，但一落船就見到成隊警察企喺度想截查乘客。 歐陽英傑同Emily講，離開文化中心去天星碼頭時，一個警察都無。反而坐船去到中環落船時，就有成隊拎住盾牌嘅警察企喺度想截查乘客。佢估計警察想截查貌似示威者嘅黑衣人，但當時成船人都係一家大細睇《天鵝湖》嘅觀眾。 觀眾搭船走 警察中環候 香港芭蕾舞團話，由於尖沙嘴一帶有示威，文化中心要關門，因此腰斬咗下晝2點半嘅《天鵝湖》，同時取消同晚7點半嗰場。
|
| |
| |
;)
