【明報專訊】美國《香港人權與民主法案》近月成為網上熱話，唔少人都關注政圈有咩人要被「制裁」。網上討論區較早時有人發帖，話民建聯立法會議員周浩鼎(Holden)太太任職《紐約時報》、持有俗稱「綠卡」�麍�國永久居民證件。Holden噚日特意拍片回應，批評有人刻意發放虛假消息，強調「本人同我太太係中國籍，持特區護照，從未申請綠卡」。

未回應太太係咪任職《紐約時報》

Holden�鷁u片中，並未回應太太被指任職《紐約時報》一事，Emily�鷅穭W搜尋，發現如果以佢太太名字為關鍵字搜尋，結果的確包括《紐約時報》網頁，但如果按入網站睇，就唔見佢太太個名。

選舉臨近，Holden似乎亦憂慮有關傳言影響選情，噚日特意上載短片，強調希望唔好再有人發放虛假消息抹黑佢，「如果企圖發放虛假消息誣陷本人，達至打擊本人選情，係非常無賴既行為」，佢對此嚴正斥責，又強調會保留一切追究權利。Holden今次區選�鰝F涌南競逐連任，對手包括王進洋、黎永安同埋劉永賢。