李克勤潮著貴價垃圾膠袋 太太盧淑儀指導
【明報專訊】「fashion我識條鐵」
《香港亞洲流行音樂節2017》前晚(17號)假會展舉行，集合中港台、日本、韓國、泰國、新加坡及馬來西亞等地方的參賽者、表演嘉賓及星級評判，當中表演嘉賓有本地薑李克勤、台灣周湯豪、日本組合Love Psychedelico、馬來西女歌手四葉草及韓國男團B1A4等，星級評判則包括陳潔靈，而代表香港出賽是陳少琪女兒陳明熹。李克勤這晚由台上唱到落台，絕不輸蝕人氣最勁的B1A4，齊齊搞熱氣氛。
李克勤這晚戰衣相當潮，原來出自太太盧淑儀手筆。克勤笑說：「見我今日隆重其事，便知我是主場歌手打扮，fashion我識條鐵，唔使問梗係我老婆搞，只知張單好貴，一個垃圾膠袋要咁多位數字，竟要5位數字，好似我個仔返學那些包書紙，老婆就話我識咩，話好啱這個場合。(太太無嬲你話似垃圾膠袋？)我唔識就會咁，佢畀咩咪著咩。(煮咩都要食咩？)這些大家互相遷就，否則食嘢會有爭執。(有試過頂唔順唔著？)不會，通常都好穩陣，可能這晚是亞洲音樂節，所以比較隆重，其實都是黑色，只是有點『令』，平時不是黑白就灰，除了過年見我有其他顏色，或者做左麟右李。(平時安排衫會有驚喜？)無，當然會信佢品味，唔信佢仲信邊個？我又不是十八廿二，太過花呢碌又carry唔到。(平時屋企著都有驚喜？)當然自己配襯，配襯完畀佢過目，除了波衫波褲無得出聲，我就可以話番佢識條鐵咩！」
「Shirley是一個好人」
提到好友關淑怡涉嫌刑事恐嚇，克勤表示：「其實愉景灣的事情，我們城市人唔理得咁多，希望佢……其實係咪拍戲，啲劇情咁得意，又唔知問邊個，又唔方便亂問，我又唔似一個八公，都是睇新聞先知，反正現在新聞咁快。希望快些冇事，Shirley是一個好人，相信可能是言語之間問題，一人行一步，快啲無事！」
陳少琪女兒無緣得獎
陳少琪女兒陳明熹這晚有份角逐亞洲超級新星及香港亞洲流行音樂節2017人氣大獎，可惜最終無緣得獎。陳明憙打頭陣演出後即接受訪問，她笑言第一個上台便豁出去，希望大家感覺到她的努力。問到看好她的克勤有否教路？陳明憙說：「一直有叫我加油，見我緊張就以他入行30年經驗，叫我出去就不要緊張，好多謝他！(爸爸陳少琪有來捧場？)有，媽咪都有來，妹妹就上網支持。他們在場都不會帶來緊張，中學年代已睇過我各種業餘表演。」
記者：梁榮達
攝影：鍾偉茵
