梁耀忠議辦兩人染手足口病
[2017.07.14] 發表
【明報專訊】街工立法會議員梁耀忠好黑仔，議員辦公室今個禮拜爆發疫情，有兩名同事同時有手足口病返唔到工。
梁耀忠話，星期一晚先有同事發現手掌出水疱，睇醫生得知原來係手足口病，第二日已經即刻請立法會秘書處搵同事上嚟消毒，點知星期三又有另一個同事中招，搞到都幾人心惶惶。阿忠就話最終辦公室都搞咗兩次大清潔。
為咗徹底隔離病菌，佢都有叫其他同事先返葵青嘅地區辦事處工作，以免再感染。阿忠噚日就強調自己無事，又估可能係年輕人太夜瞓，抵抗力低，笑言自己都有督促對方做多啲運動。好彩立法會都準備休會，雖然議辦人少少，都唔係好影響日常工作。不過工聯會何啟明就喺facebook「抽水」，話「故事教訓我哋，勤洗手，咪做幕後黑手」。
更多港聞
月入2萬家 升中花一半 買校服書簿樂器 「為子女沒辦法」
【明報專訊】昨天為中一註冊首日，有家長與子女到獲派中學註冊後，隨即到書局購買教科書。今年的教科書售價較去年漲3至4%，有家庭月入2萬多元的家... 詳情
相關新聞
