辯林鄭笑笑口頒英勇章 鄭松泰火併李家超
[2017.10.26] 發表
【明報專訊】上周特首林鄭月娥喺勳銜頒授典禮上，向年初喺攀山拯救行動中殉職嘅消防總隊目邱少明追授金英勇勳章時，被影到對住遺屬一直保持笑容，事件喺網上惹來談論。熱血公民立法會議員鄭松泰噚日喺立法會會議就批評，當消防員殉職，先獲追封一個無咩意思嘅「水蓋」，又不點名批評林太「笑笑口」去追封，做法涼薄，促請政府將消防員列入緊急紀律部隊，即看齊警隊。保安局長李家超聽到後就嚴肅地反駁，話非常唔同意亦唔滿意呢番說話，認為「非常不尊重」。
李：非常不尊重
鄭松泰聽到後多次喺座位上發言反駁，但就被立法會主席梁君彥警告，話如果再唔停止發言，就驅逐佢離開會議廳。至於會唔會檢討消防處職系架構，李家超話要考慮一系列因素，亦要考慮對其他紀律部隊嘅影響。
更多港聞
【明報專訊】相信唔少市民仍然記得8月強颱風天鴿吹襲香港，臨海嘅杏花邨受巨浪衝襲，地下停車場嚴重水浸嘅情景。保安局長李家超噚日書面回覆經民聯立...
詳情
【明報專訊】教育局發信邀請辦學團體屬下學校的學生觀看直播，辦團普遍指交由學校決定，而中學校長則對是否讓學生觀看各有意見。
有約15所中...
詳情
【明報專訊】特首林鄭月娥在《施政報告》中提到將「到校學前康復服務試驗計劃」納入常規服務，並將名額由約3000個增至7000個。她昨與勞工及福...
詳情
相關新聞
