【Emily】「吸風台長」岑智明下周退休
[2020.02.06] 發表
【明報專訊】政府噚日宣布，香港天文台助理台長鄭楚明將於下周六(15日)起出任天文台長，接替同日退休嘅岑智明。公務員事務局長羅智光話，鄭楚明喺天文台運作有豐富經驗及知識，可帶領天文台迎接未來嘅挑戰。
助理台長鄭楚明接任
對於即將退休嘅岑智明，羅智光讚賞佢喺政府服務34年，工作熱誠，勇於承擔，致力提升天氣預測和警告服務水準及專業水平，以協助應對惡劣天氣及保障公共安全，貢獻良多；另外佢又積極參與世界氣象組織嘅工作，有助提升香港喺國際氣象界嘅聲譽同地位。
Emily都有WhatsApp台長問佢點解咁快退休，佢就話稍後會安排訪問，一次過交代；不過Emily收到風，台長稍後會出任世界氣象組織重要職位，係更上層樓，唔知點解政府新聞稿無提到。
翻查紀錄，岑智明1986年加入天文台，2011年以47歲之齡做台長；其間經歷強颱風韋森特、超強颱風天鴿同山竹襲港，共發出3次10號風球，所以有人叫佢做「吸風台長」。
台長有唔少「粉絲」，佢自己都有開個人專頁，親自解答問題，贏得口碑，成為高官中少數嘅KOL。對於佢喺56歲之齡退下，相信會有「粉絲」唔捨得，噚日就有唔少人喺fb留言讚佢任內表現出色。
更多港聞
【明報專訊】武漢肺炎來襲，大家不時比較香港、澳門兩地政府嘅抗疫措施，唔少港人讚濠江反應夠快，澳門特首賀一誠噚日向澳門人發公開信，話政府採取嘅...
詳情
【Emily】余若薇製口罩保護套 「有穿新衣感覺」
【明報專訊】口罩難求，公民黨余若薇（Audrey）早前製作可以重用嘅布口罩，但被批評誤導、無知。Audrey似乎都受買唔到口罩之苦，噚日話外... 詳情
相關新聞
