【Emily】神舟設計師登陸皇仁 楊潤雄讚愛國
[2021.06.26] 發表
【明報專訊】神舟十二號載人飛船上周升空，3人入住太空站。教育局噚日舉辦「航天科學家團隊進校園」活動，邀請到中國工程院院士、神舟飛船首任總設計師戚發軔同佢嘅團隊，跟師生交流。教育局長楊潤雄噚日就出席其中一場喺皇仁書院舉行嘅「中學專場報告會」，現場有400名師生參與，另有約100間中學嘅師生喺網上睇直播。
楊潤雄喺活動致辭時話，戚發軔同佢嘅團隊喺中國航天過程花咗大量心力，又話佢哋熱愛祖國、無私奉獻，請師生一齊向團隊致以最崇高敬意。楊潤雄鼓勵同學抱住自強不息、堅毅不拔嘅精神，裝備自己同把握機遇，「為國家、為香港、為實現中華民族偉大復興作出更大的貢獻」。
更多港聞
【Emily】教大網上跳舞賽 鼓勵SEN學生多運動
【明報專訊】日日運動身體好，教育大學為鼓勵有特殊學習需要（SEN）學生多做運動，搞咗個「舞動零界限」網上跳舞比賽，超過120名SEN學生同家... 詳情相關新聞
