【明報專訊】立法會去年底修改《議事規則》，包括將呈請書門檻由20人提高至35人；而喺審議法案、進入全體委員會階段時，會議法定人數則由35降至20。噚日係立法會修規後首次開會，就見到泛民未能再以呈請書方式要求成立委員會。至於點人數，噚日召喚議員嘅鐘聲仍然不斷響起，甚至喺全體委員會階段，泛民都可以叫到點人數。 話說噚日立法會審議《追加撥款(2016-2017年度)條例草案》，進入全體委員會階段，突然點算人數鐘聲響起，當時部分建制派議員就喺會議室外同記者閒聊，幾分鐘後建制派陳振英就由會議廳急步行出嚟，捉番建制議員入去開會，話會內只差3人，即係法定人數減至20後，佢哋依然唔夠腳，咁真係唔係幾好睇。而喺會議室外嘅建制派亦好配合，乖乖入去湊夠人數。 噚日一開大會泛民就開始點人數，更一度差少少就流會，原來朝早時建制派並無35人喺大樓內，等咗好一陣子都未夠人，結果非建制陣營嘅醫學界陳沛然，就喺差一人時行入會議廳，令會議未有出現一開會就流會嘅尷尬場面。
|
| |
| |
;)
