【明報專訊】林盛斌(Bob)昨日到中環出席「家+有晴」健康日慈善活動。Bob日前度過40歲生日，他笑言「奔四」的感覺不太好，當晚在社交網分享感受時，感觸得眼濕濕，「若我有80歲命，人生已走過了一半路，感恩各方面都合格」。他展望人生下半場，繼續做主持、拍戲、拍劇外，也想傳送正能量給大眾，「近幾年我有留意外國的演講家，即是激勵講師，演講令人充滿力量，勇敢向前，我覺得自己都是正面的人，正嘗試學習將開心、快樂帶給大家，都有上網報讀演講課程，原來學費不便宜」。

與仔女食街邊檔慶生

Bob近年還積極睇書，希望透過書本啟發智慧，「如我早幾年識睇書，可能更好，其實睇書是我跟仔女學的，他們睇好多書，影響我培養出這個習慣」。他又多謝各方親友送上賀壽祝福，幾個仔女也有唱生日歌和送上畫卡，「仔女決定去街邊檔食燒賣、印尼撈麵為我慶祝，我覺得跟家人一起就滿足，當然老婆有少少黑面啦」。

記者：鍾一虹

攝影：孫華中

■更多娛樂猛料 ﹕ol.mingpao.com