【明報專訊】中文大學早前受到反修例運動困擾而停課，校長段崇智仲入過醫院，但中大近日都有好消息，該校噚日話，校長獲選為2019年度美國解剖學家協會(American Association of Anatomists, AAA )院士(圖)，以表揚佢喺科研嘅卓越成就及對解剖科學作出嘅貢獻，仲話校長係AAA院士中唯一一位香港學者。 段崇智係國際生物醫學研究權威，尤其專長於骨骼組織工程和再生醫學領域。中大話，段校長嘅研究團隊利用微型生物反應器平台複製人類關節，製造咗首個名為「微關節」嘅三維關節，用作研究及測試治療關節炎疾病藥物。段校長已分別於2017年及2018年獲推選為美國國家發明家學會院士及中國發明協會首屆會士，今次再添一院士榮譽。段校長透過新聞稿話，好榮幸獲頒授協會院士銜，要感謝佢嘅研究團隊同合作伙伴，為佢帶來啟發。 美國解剖學家協會成立於1888年，會員包括解剖科學研究同教育領域嘅領導者。
|
| |
| |
;){kind=small}
;)
