【明報專訊】環保署轄下嘅環境運動委員會(ECC)，一向負責宣傳教育工作，環保署吉祥物大嘥鬼噚日罕有著住西裝，幫手宣傳委員會招聘宣傳經理。 大嘥鬼著西裝幫手宣傳招聘 委員會嘅帖文話，ECC搵緊志同道合嘅人加入，自問對環保有團火，又係宣傳推廣同活動策劃高手，就可以應徵呢個月薪5.8萬元嘅職位，負責策劃公眾宣傳同環保教育活動，仲有15%約滿酬金，真係幾吸引。 根據ECC嘅招聘廣告，呢個職位要有最少6年相關工作經驗，有網民留言話要識Windows Movie Maker要求都幾高，但作為宣傳經理，製作影片相信係好基本要求。 環境運動委員會除咗撥款支持民間團體推動環保意識，近年仲積極走入社區，推動減廢運動，例如綠色年宵，鼓勵市民走塑，相信宣傳經理都有唔少發揮機會。
|
| |
| |
;)
