【Emily】新世界夠細心 綁帶口罩捐少數族裔
[2020.03.06] 發表
【明報專訊】好多香港市民都撲緊一般掛耳式口罩，但好多少數族裔因為衣著服飾嘅原因，要用綁帶式口罩。新世界發展日前特別向香港族裔共融聯會捐出一批防疫物資，包括5.5萬個口罩，當中絕大部分係綁帶式口罩，仲有搓手液、消毒噴霧同濕紙巾等，供聯會派發畀有需要嘅少數族裔，緩解燃眉之急。
戴頭巾女士難用掛耳式
少數族裔女士會戴頭巾，用一般掛耳式口罩會唔太方便，佢哋對於綁帶式口罩嘅需要比較大。
香港族裔共融聯會共同創辦人毛漢(Mohan Chugani)，專程去到有少數族裔學生就讀嘅地利亞修女紀念學校(協和)，聯同校方一同接收該批抗疫物資。毛漢感謝新世界集團嘅捐贈，形容係極有意義嘅善舉，聯會會將物資分發畀有需要嘅非華裔港人。
更多港聞
相關新聞
