【明報專訊】無綫電視已開始明年巴西世界盃宣傳攻勢，連高層嘅卡片都換新裝，印埋巴西世盃logo上去，物盡其用。無綫總經理鄭善強(SK)同Emily講笑話，呢張印咗世盃logo嘅卡片值成1萬銀，大家好好收藏呀！ 播波使4億 預咗蝕 SK話，巴西世界盃嘅轉播費加上無綫嘅製作費成4億銀，佢啲同事好努力搵廣告客戶，廣告至今已落得七七八八，仲幾理想𠻹，不過只可以搵番世盃開支嘅三分之一。所以，如果將蝕咗嘅錢攤分喺新印嘅世界盃卡片上面，每張卡片嘅成本大概就係1萬大洋。 蝕得多會唔會好大壓力呢？樂觀嘅SK話公司預咗世界盃會蝕，但𠵱家計條數都喺預算之內，佢與同事都預咗有壓力，但希望老闆畀少啲壓力啦！
|
| |
| |
;){kind=small}
