女學生金鐘設「民主牆」
[2014.10.02] 發表
【明報專訊】噚日國慶日放假，來自大埔孫方中書院嘅中五生何同學，特登著校服去示威代表中學生，仲同其他中學嘅同學仔喺「公民廣場」對出嘅地盤圍板發起設「民主牆」，呼籲市民拎心意卡寫低心聲，截至噚日中午已派出約600張心意卡。
佢話呢個諗法來自學校有同學唔罷課但又想表達意見，於是佢喺校內設民主牆收集約200名同學嘅諗法，然後帶到金鐘貼出嚟，等其他人可以知道同學嘅諗法。Emily睇過啲留言，唔少係希望爭取真普選，何同學就話佢最感動係有人留言「香港未來是屬於我們」，因為2017年佢都19歲合資格投票選特首，所以想爭取真正民主選舉。
更多港聞
【明報專訊】本周一有一個婆婆「容姐」打電話去香港電台第五台《有你同行》節目，話周日佢同家人到港島見患癌症病重嘅媳婦最後一面，但遇上海底隧道「...
詳情
相關新聞
