大坑東蓄洪池搞藝術展
[2017.12.21] 發表
【明報專訊】油尖旺區喺1990年代起常受水浸困擾，但自大坑東蓄洪池喺2004年完工後，水浸問題得以改善。相信唔少市民都未入過蓄洪池一探究竟，本地藝術家伍韶勁就趁𠵱家旱季，喺蓄洪池入面搞藝術展覽，名為《大禹之後》，今次係渠務署首次開放蓄洪池做藝術創作場地。展覽只接受預約，市民今日中午12時起，可以到網站www.afterthedeluge.com登記參加導賞團。
今午起可網上預約
展覽以水為題，喺下月6日至31日舉行，伍韶勁會透過《大禹治水》呢一個流傳咗幾千年嘅中國神話故事做背景，配合燈光裝置，再利用蓄洪池廣闊幽暗嘅地底環境，另加聲音導航，帶出唔同場景，設計出一個互動嘅藝術展覽，令觀眾恍如置身水底，感受蓄洪池神秘而且宏偉嘅面貌。
更多港聞
學生排隊過閘機 自動消毒手腳 VTC生設計消毒站獲獎
【明報專訊】不少學校為防傳染病，會在上學前為學生消毒雙手，在職業訓練局（VTC）轄下學院就讀產品設計的學生黃澤宇，憑畢業作品「移動消毒站」，... 詳情
相關新聞
