【明報專訊】民建聯立法會議員蔣麗芸(Ann姐，左)不定期舉行「會客室」，訪問政界中人，噚日就上載訪問會考「十優狀元」、教育局政治助理施俊輝(Jeff，右)，Ann姐問�鷞鴾銴Q優有咩心得，Jeff就話談唔上有咩心得，因為每個人讀書方法都唔同，而佢當年就有「重點溫習筆記」，佢認為寫筆記好重要，平日溫習時遇到有咩唔識或重點，就會抄一次，溫習時就可以集中睇番重點，但佢強調方法因人而異。

Jeff畢業後曾當中學教師，做過班主任，佢笑言當年一行入班房，學生有時會起哄或擊掌，後來先知原來因為自己教書時經常著間條衫，所以學生用佢打賭，究竟施sir今日著咩衫，後來更加整�鱄茼蛋eff個樣、著住間條衫�屩\設公仔送畀佢。

現時Jeff有個兩歲囡囡，佢話培育幼兒同教中學生唔同，但最重要係花時間相處，帶阿女去公園玩，佢有時都反省，覺得自己唔夠時間陪囡囡。Jeff又話囡囡同佢兩公婆性格都唔同，阿女好外向、鍾意識新朋友，形容要按番佢性格先決定阿女讀咩學校，佢都仲諗緊呢個問題。