【明報專訊】好多餐廳食肆會主動為客人派餐紙巾同濕紙巾，唔覺意都可能造成浪費，基督教家庭服務中心一個網上訪問，1330名15歲以上受訪市民中，七成受訪者認為食肆毋須主動派紙巾，可按個別顧客要求派發。中心又統計受訪者人均紙巾用量，就算唔計廁紙，原來每人每日都用8張紙巾(包括袋裝、盒裝紙巾、濕紙巾、抹手紙及餐紙)，以2018年底全港15歲以上人口656.1萬推算，即係港人每日用咗近5000萬張紙巾，都相當驚人。 兩成人以為抹手紙可回收 另外，中心亦發現有兩成受訪者對抹手紙仲存有「迷思」，以為抹手紙可以回收。但中心解釋，除咗基於衛生理由，所以唔可以咁做之外，其實抹手紙喺生產過程，為加強堅韌度會加入物質，令紙質唔易分解。 為推動環保，中心同團體「手帕集作」會喺下星期二(14日)合辦「無紙巾日」，參與嘅商戶機構會於當日暫停主動派發同使用各類型即棄紙巾。
|
| |
| |
;)
