【明報專訊】特首林鄭月娥噚日(22日)喺日本出席新任天皇德仁嘅即位儀式，網上流傳相片，顯示林鄭月娥喺儀式上用手機，畀網民話佢喺會場玩電話。相片所見，當時林鄭坐喺後排，前面幾排座位未有人入座。特首辦見到網上熱烈討論，都要回應事件，話典禮場地容許嘉賓攜帶同使用手提電話，而「特首短暫查看手提電話時，儀式尚未開始」，唔少嘉賓都未入座，亦有已到場嘅嘉賓正睇刊物同交談。對於有人憑截圖批評，特首辦話「恐怕他們是不了解情况，或是穿鑿附會」。 沈旭暉：挑戰國際禮儀之極限 學者沈旭暉就喺facebook專頁話，林鄭「挑戰國際禮儀之極限」，又話佢係「全世界唯一敢在日皇就職典禮掃phone的領袖」。陶傑亦發帖話林鄭「上任後本來做的唯一正確事：赴日出席天皇就職典禮，咁都要玩手提電話，形象如此，難怪冇一間國際公關公司肯接你生意！」
|
| |
| |
;){kind=small}
;)
