【明報專訊】據聞特首梁振英嚟緊會任命有資深傳媒經驗嘅《文匯報》副採訪主任邱萍菲擔任特首辦助理，負責同政黨聯絡。噚日Emily問邱萍菲，佢對所有傳聞一律「唔回應」，但Emily聽聞佢2月就會正式返工。 對傳聞一律「唔回應」 Emily向特首辦中人八卦，有人話無聽到消息；𠵱家擔任經民聯立法會議員顧問嘅邱萍菲對事件不作回應。有傳媒噚日報道，𠵱家邱萍菲已去到品格審查階段。 熟識建制派重量級人馬 做咗超過10年記者嘅邱萍菲喺中文大學新聞與傳播學院畢業，之後一直喺《文匯報》政治版，升到副採訪主任，去年離開，政圈好多建制派重量級人馬都同佢好熟。 梁振英被指下令高官唔准出席自由黨黨慶，令政界都幾嘩然，唔知今次梁振英搵邱萍菲入政府，係咪真係可以幫到手改善特首同政黨既關係呢？
|
| |
| |
