立會畫作受損 畫家：體諒唔會鬧
[2019.07.04] 發表
【明報專訊】示威者本周一(1日)晚上衝擊並佔據立法會大樓，有畫作遭到損毁或塗污，有畫作作者分別喺facebook出post，對畫作受損能夠理解、體諒。其中一名藝術家管偉邦就向Emily講，唔會責備進入立法會嘅年輕人，反而對佢哋可能要面對以年計嘅刑責覺得心痛，又話如果立法會搵佢重製畫作，佢打算唔收費，以免增加立法會裝修費用。
藝術家盼政府聽民意
管偉邦噚日喺fb話，對於畫作被弄髒，「我並不心痛，大不了就是重畫；我心痛的，只是那班甘願為香港付出沈(沉)重代價的年輕人」。佢同Emily講，有關畫作名為《和而不同》，畫嘅係竹林，意味立法會內各人發表不同聲音，希望大家互相尊重。佢又話作為70後，見到年輕人面對咁大壓力覺得好心痛，強調唔會責備，因為佢哋嘅表達係有原因，希望政府可以聆聽市民心聲、回應訴求。
另一藝術家林東鵬亦喺fb出post，其畫作《百年香港》張貼立法會內，佢話畫作若受破壞，能理解及體諒，「萬萬不能忍受的，是當權者的麻木不仁與虛偽、以制度玩弄市民、對訴求充耳不聞及部份警員過分的暴力。畫，與市民同在」。
更多港聞
【明報專訊】7月1日有示威者闖入立法會，港大法律學者、基本法委員會委員陳弘毅當日發文形容係「暴力衝擊」，點名批評核心成員有大律師嘅公民黨無譴...
詳情
【明報專訊】示威者1號晚佔領立法會後，立法會餐廳嘅汽水被攞，示威者亦有放低錢，表明唔會不問自取，不過，餐廳營運商、嘉嘉得飲食有限公司董事李先...
詳情
港大生辦補習社企助清貧生 出身基層幫助基層 獲馬會獎學金
【明報專訊】為成立社企補習社，鄺慶添由灣仔一直走到北角，向沿途多間地產舖查詢合適的空舖，再向前輩請教開補習社的規例和手續等。生於基層家庭的他... 詳情相關新聞
