【Emily】漫畫再掛西九龍中心 林祥焜：帶來歡笑感榮幸
[2020.10.27] 發表
【明報專訊】西九龍中心外牆早前掛上6幅漫畫家林祥焜嘅少女漫畫，被民建聯劉佩玉等人投訴畫中少女衣著太暴露，畫作一度因打風下架；商場前日改掛3幅漫畫家甘小文畫嘅「肥婆四」、「哨牙珍」等角色漫畫、前晚再掛起3幅早前被投訴嘅少女漫畫。林祥焜日前都有到場同市民齊齊打卡，佢噚日話喺事件中見到港人「久違了的笑容」，打卡時都有久違嘅歡樂，「能夠用畫筆帶畀大家驚喜同歡笑，係我哋漫畫家嘅榮幸！」佢認為港人再被漫畫觸動，「做到了娛樂又有say的力量」。
Emily搵過劉佩玉，佢話冇特別補充，會留意街坊意見；被問點睇西九龍中心重新掛上3幅曾被投訴嘅畫作，佢話希望商場可以正視吓街坊聲音。此外，「肥婆四」畫作一上架，唔少網民影射角色似劉佩玉，劉佩玉就話冇特別補充，「只可以話想像力太豐富」。此外，林祥焜喺fb上載自己收到私訊留言，當中顯示一名自稱「陳浩」嘅人，向佢講「香港不是安全的地方」、「深水埗嘅話事人係邊個呢」、「小心，人多車多」。
更多港聞
【Emily】「斗零踭聖手」 福嫂觀塘新檔開業
【明報專訊】觀塘市區近年重建，有「斗零踭聖手」之稱嘅補鞋匠福嫂，亦因而要搬遷檔口；佢曾改往觀塘康寧道後巷擺檔，但衛生情况惡劣，更一度被偷走補... 詳情
【明報專訊】人民力量副主席譚得志（快必）被控發表煽動文字等罪被拒保釋，還押荔枝角收押所。快必一直都有唔少親友探望，噚日就有西貢區議員、新民主...
詳情
【Emily】批政府似「家嫂」 麥美娟盼強勢官帶領抗疫
【明報專訊】工聯會麥美娟（Alice）鬧政府一向唔客氣，佢近日喺工聯會YouTube頻道《轆出嚟講》影片中話，就算支持政府嘅市民都普遍有不滿... 詳情
【Emily】阿B作《捍衛香港》向警致敬 周四TVB播
【明報專訊】去年6月出席過立法會議員何君堯搞嘅「630撐警察，保法治，護安寧」集會嘅藝人鍾鎮濤（阿B），繼為警隊題字同拍攝防騙短片後，再作咗... 詳情
相關新聞
