【Emily】張建宗免職 網民惡搞 「政府高層無打鬥」舊帖被翻
[2021.06.26] 發表
【明報專訊】熱愛工作、話每日企喺鏡前打領呔返工就開始興奮嘅張建宗，噚日被免去政務司長職位。政界對張建宗表現有唔同評價，有人對佢表示感謝讚賞，未至於人走茶涼。有網民及民主派區議員就惡搞，拎番張建宗2019年11月喺政務司長辦公室facebook回應網上傳言嘅帖文出嚟，話今日再睇番又另有滋味，帖文係咁寫：「今日有網上傳聞引述司長話政府高層發生打鬥，有關內容完全揑造，非常無聊」。
張建宗話繼續增值
陸頌雄推介報工聯會課程
民建聯區議員顏汶羽就話張建宗工作事事上心，向佢反映嘅訴求，大多未必能獲接納，但對方仍然會顯得積極跟進，話佢係個值得學習嘅對象。顏又話，張建宗曾講車上長期備有安全帽及安全鞋，考咗「平安卡」，有工業意外時就可即時到場。
張秀賢：應陳同佳做政務司長
張建宗噚日朝早話自己雖然離開政府，但會繼續增值自己，為社會服務。工聯會陸頌雄就話欣賞張建宗終身學習嘅精神，仲乘機幫工聯會賣廣告，話可以推介報讀工聯會參與開辦嘅再培訓局「特別．愛增值」計劃課程。
元朗區議員張秀賢亦借題發揮，講李家超升任政務司長，「明明陳同佳先最大功勞，點解唔係佢做政務司司長？」
更多港聞
【明報專訊】民陣召集人陳皓桓（Figo）上月因為前年「10．1遊行案」判囚18個月，唔少市民都寫信入去聲援佢。Figo嘅facebook專頁...
詳情
【明報專訊】「水上的士」渡輪服務7月首航，運輸署話水上的士7月1號會開出特別班次，慶祝特區成立24周年，之後由7月3號起，會以試辦形式投入服...
詳情
【明報專訊】神舟十二號載人飛船上周升空，3人入住太空站。教育局噚日舉辦「航天科學家團隊進校園」活動，邀請到中國工程院院士、神舟飛船首任總設計...
詳情
【Emily】教大網上跳舞賽 鼓勵SEN學生多運動
【明報專訊】日日運動身體好，教育大學為鼓勵有特殊學習需要（SEN）學生多做運動，搞咗個「舞動零界限」網上跳舞比賽，超過120名SEN學生同家... 詳情相關新聞
