【明報專訊】「如果有一張船飛，你會唔會跟我走呀？」呢句咁耳熟能詳的對白，Emily梗係識，原來日本人都可能識，因為王家衛嘅電影喺日本好受歡迎，日本人亦幾鍾意電影入面呈現嘅香港，而日本遊客更加係香港嘅第三大國際客源市場。 繼續做香港觀光親善大使 為咗吸引更多日本遊客嚟香港，旅發局上年已經搵咗日本名模——美韓混血兒水原希子擔任香港觀光親善大使，佢仲經常喺社交網站分享佢嚟香港影嘅相。旅發局同Emily講，水原希子今年仲會繼續做觀光親善大使，宣傳香港。 早排旅發局搵咗水原希子為日本時尚女性雜誌Figaro影咗個有40幾頁嘅「24時間、香港中毒」封面特輯，佢打扮成《重慶森林》及《花樣年華》等經典女主角，游走香港各地，介紹特色去處，包括去深水埗嘅民宿，旺角嘅茶餐廳，仲去埋中環飲茶等，Emily睇完都覺得香港好特別，想扮下遊客。 唔知日本人睇完呢個特輯之後，當有一張機票，會唔會揀嚟香港呢？
|
| |
| |
;){kind=small}
;){kind=small}
;)
