【明報專訊】香港大學學生會周年大選提名期本月5號已結束，但係無人參選幹事會14個職位，意思即係港大「斷莊」，原本個提名期喺上個月30號已經延遲過一次，但仲係無人參選。Emily問現任學生會會長黃政鍀咁點算好，佢話佢會署任到4月，再安排選舉，不過睇個勢都應該無人參選。 噚日有個二年級同學同大學選舉委員會投訴，話學生會無理裁定佢個提名無效，要求恢復參選資格；選委會原本指接到同學仔個團隊提名時已經超過截止時間、資料無寫正楷(BLOCK LETTERS)同填錯學科資料。 中大亦未有人參選 另一邊廂，中文大學個參選截止日期係1月15號，副會長李振勇話暫未收到消息有人參選，如果無人參選，就會喺2月再安排選舉。
|
| |
| |
;)
