【明報專訊】電影《胭脂扣》中，名妓如花(梅艷芳飾)穿起男裝唱小曲，迷倒張國榮(哥哥)扮演的十二少，呢個經典一幕應該好多人記得。今年係哥哥同梅姐逝世15周年，電影資料館為佢哋推出節目「芳華年代」，挑選37部兩人有份參演嘅電影，喺3到6月放映，等大家重溫巨星風采。 節目頭炮《胭脂扣》，下月27日喺文化中心放映，同場加映3分鐘海外版音樂錄像，係絕少曝光㗎！至於其他電影會喺電影資料館電影院上映，時間係3月30日至6月10日，為咗展現二人嘅百變形象，電影有劇情片、青春片及動作片等，包括哥哥經典之作《阿飛正傳》、《霸王別姬》，梅姐嘅《川島芳子》同《半生緣》等。 另外，資料館同期設「他╱她的芳華年代」展覽，介紹兩人拍電影軼事，大家不妨參觀吓。
|
| |
| |
;)
