【明報專訊】香港攝影師再次揚威海外，大自然保護協會公布2018年「全球大自然攝影比賽」結果，謝國劬憑作品《我的城市我的家》脫穎而出，呢張相呈現獅子山喺夜幕低垂時，置於萬家燈火之間嘅剪影，勇奪「城市與大自然」組別大獎，?逾5萬張參賽作品中成為21幅得獎作品之一。謝國劬對?到獎好開心，形容獅子山係香港嘅標誌山麓，亦代表港人永不言敗嘅精神。 參賽作品逾5.7萬 21幅得獎 《我的城市我的家》?今年1月拍攝，係由大帽山向獅子山影過去。謝國劬話，包括自己在內，好多香港人都喺獅子山下成長，獅子山象徵香港人多年嚟努力奮鬥嘅精神。佢話香港人口密度同城市密度高，自然環境除咗提供空氣同水等生存需要，親近大自然亦有助減低生活壓力。 協會亞太區總幹事Charles Bedford話，謝國劬嘅作品呈現香港呢個繁華都市入面人類同大自然密不可分嘅關係，兩者相互依存，協會希望透過今次攝影比賽，啟發更多人探索同欣賞自身同大自然之間嘅微妙關係。今次比賽吸引逾5.7萬幅分別嚟自135個國家同地區嘅參賽作品，當中3502幅嚟自香港，謝國劬嘅作品係唯一得獎嘅香港作品。 想欣賞各得獎作品，可瀏覽www.tnc.org.hk/zh-HK/naturephotocontest
|
| |
| |
;){kind=small}
