工藤佑采撐馮盈盈「公廁論」 莊思明疑反擊：水不是用來抽

工藤佑采撐馮盈盈「公廁論」莊思明疑反擊：水不是用來抽

[2018.09.24] 發表

【明報專訊】2016年港姐冠軍馮盈盈日前在節目《#後生仔傾吓偈》談論如果港姐嫁有錢人的問題時，爆出「公廁論」引起爭議，有批評她作為港姐冠軍言論太大膽，師姐莊思明更直指感覺很cheap。馮盈盈解釋是複述網民的用語，不代表她的立場；莊思明則強調對事不對人。事件看似平息，但被封「黑面港姐」的工藤佑采前晚突然在社交平台發文撐馮盈盈夠真實，不戴假面具，暗窒莊思明。莊思明昨日發文疑似反擊，暗指有人「抽水」。

娛樂組

工藤佑采前晚上載有關馮盈盈的報道，寫道：「其實馮盈盈都只係講有部分人對於港姐如果嫁有錢人，會被人批評……等等難聽說話！佢都只係複述事實，不是發表個人睇法！可能言語上身為一個港姐係有點大膽，但係同cheap好似點都拉唔上關係！cheap嘅定義唔係應該係無啦啦，又冇得罪你，又冇話你，但是你自己又話人哋在先咩？之前拍《#後生仔傾吓偈》有見過馮盈盈，其實我覺得都幾靚幾可愛，係講嘢有點太大膽同埋太真實……」

支持馮盈盈唔戴假面具

工藤佑采慶幸自己比賽之前跟男朋友分手，否則也可能被人用馮盈盈用的字眼說她。最後她說：「支持FYY(馮盈盈) 做自己丶唔戴假面具做人！」

莊思明無放棄歌星夢

莊思明昨日發表一段珍惜水的言論，當中似有所指，她說：「水，係應該用來飲，唔係用來抽，請大家珍惜我哋剩下嘅水源。多謝！」她又提到「有多餘時間不如做有意義的事」、「唔好自己對號入座」。

前晚莊思明參與慈善節目演出，負責玩遊戲。她強調不會放棄當歌手，之前已錄好一首歌，只要和舊公司處理好版權問題，自掏腰包5位數就可以唱，可是將歌曲派台宣傳或放於卡拉OK又要再買版權，但她不會怕麻煩而放棄這首花了很多心機的歌。莊思明說：「希望有機會簽新唱片公司，我沒有放棄歌星夢，人是要發夢的。」