【明報專訊】長者退休年齡近日引起爭議，原來立法會都有呢方面嘅討論。據Emily了解，行政管理委員會噚日開會時，曾經討論係咪將合約清潔工轉為直接僱用，但席間有委員憂慮，如果轉為直接僱用，本身已屆立法會規定退休年齡嘅合約工，可能會因為咁而冇得撈，結果反而要另行請人，所以大家都唔係太贊成咁話。 另外，公民黨譚文豪去年喺人力事務委員會上動議，「飯鐘錢」應該被納入政府外判服務承辦商嘅投標條款之內，立法會都應該由自己做起，規定外判商將用膳時間納入僱員工作時間之中，當時議案以7票贊成、1票反對獲得通過。 「飯鐘錢」未有結論 據Emily了解，行管會噚日都有討論「飯鐘錢」呢個議題，但因為現時嘅合約未到期，所以就仲未有結論。
|
| |
| |
