前粉嶺裁判法院上堂 首屆模擬法庭夏令營接受報名
[2019.05.24] 發表
【明報專訊】有近60年歷史、被評為三級歷史建築嘅前粉嶺裁判法院，經過活化後，現時為香港青年協會領袖學院，中學生有好多機會喺呢個古典建築內上堂。嚟緊7月17日至20日就會有第一屆「模擬法庭夏令營」，由執業律師擔任導師，同學員分析唔同類型嘅刑事案件，學習香港嘅法律制度，𠵱家仲接受報名。
除咗夏令營，學院亦舉辦唔同嘅「學生領袖體驗活動」，其中一個名為「文化偵探」，參加者要偵查穿越古今嘅懸案。活動用咗混合實境MR(Mixed Reality)科技，參加者要佩戴MR眼鏡，用智能手機掃描特定嘅QR Code(二維碼)蒐證，之後要就搵到嘅證據舉行模擬審訊。可以喺咁莊嚴嘅前法院環境試吓查案同審訊，相信會別有一番感覺。
更多港聞
【明報專訊】教育局「推廣職業專才教育專責小組」（下稱小組）公布諮詢文件，指政府去年調查顯示，只有54％學生受訪者認為職專教育是具價值的升學或...
詳情
相關新聞
