【Emily】贏涂謹申 容海恩任保安委會副主席
[2019.12.17] 發表
【明報專訊】立法會保安事務委員會噚日終於選出副主席，民主黨涂謹申競逐連任，不過最後得12票，被獲建制派支持、取得22票嘅新民黨容海恩(Eunice)擊敗；保安事務委員會主席為民建聯陳克勤，即建制派包攬晒正、副主席。
Eunice懷有第二胎，下個月生BB，議會陣線毛孟靜喺上次會議話Eunice就要放產假，完全不能接受，認為Eunice應該撤回提名。Eunice喺副主席選舉投票前，話已經向平等機會委員會投訴毛孟靜涉嫌歧視孕婦，平機會都同意毛孟靜嘅言論有歧視懷孕女性之嫌，可能剝奪孕婦享有平等機會參與議會事務嘅權利，並不恰當。
委員會之後討論警察執法事務，民主黨黃碧雲要求跟進新屋嶺扣留中心。陳克勤回應之後會安排兩次視察，新屋嶺相信會係其中一個地點，2月會安排警務處長上委員會匯報罪案情况。現時立法會18個委員會中，尚有司法及法律事務委員會未選出正副主席；而內務委員會至今開咗9次會亦未選出正副主席。
更多港聞
【明報專訊】反修例風暴下，唔少大型演唱會都取消，但本周六晚上，喺尖沙嘴文化中心會有一場大型演奏及演唱會舉行，參演者包括立法會前主席曾鈺成、經...
詳情
行業學堂．科大理學：A組物理科學 B組化學和生命科學
【明報專訊】香港科技大學理學A組（JS5102）及B組（JS5103）分別為對物理科學，以及化學和生命科學感興趣的學生而設，收生計分方法不同... 詳情相關新聞
