【明報專訊】香港民意研究所近日開展「社區健康計劃」，了解市民對疫情、政府措施嘅意見，原來都變身區議員收集民意渠道，會將市民對社區衛生嘅意見提供畀區議員參考。油尖旺區議員李傲然(Owan)就話收到唔少搞笑意見，包括叫區議員唔好煽動醫護罷工，「應該全面配合政府」，同埋叫佢哋立即清潔連儂牆。 香港民研由1月底至今做咗5次調查，訪問逾2.7萬市民對疫情意見，包括點睇封關、屋企口罩儲備有幾多等，並請受訪者回應開放式題目、向區議員提供區內衛生等意見。 Owan區內就有58名居民提供意見，除咗要求加強清潔街道、買口罩畀區內有需要長者之外，仲有居民要求「停止任何暴力行為，配合防疫不要上街示威」，亦有人批評區議員散播謠言、煽動醫護罷工，「簡直不知所謂，全部區議員應該自動辭職」。相信街坊嘅意見，Owan都「心領」啦。
|
| |
| |
