首做委會主席 張國鈞：要隨身帶《憲法》
[2018.10.16] 發表
【明報專訊】立法會上星期選出18個事務委員會嘅正副主席，建制派積極培訓新議員接棒做主席，好似民建聯張國鈞(Horace)咁，就身負重任做政制事務委員會主席。
噚日首次開會，Horace主持會議後話比想像中順利，原本預料泛民議員一定會炮轟政府，所以佢已睇定《議事規則》睇?要點樣可以維持秩序，最終大家跟足程序守規矩。對於首次主持會議後嘅感想，Horace話日後要隨身帶定《憲法》同《基本法》開會，因為呢個會好多問題都同憲制有關。
公務員及資助機構員工事務委員會噚日朝早都第一次開會，新上任做主席?新民主同盟范國威(Gary)遲到5分鐘，副主席廖長江更加連影都無，一度令準時嘅議員要等，無幾耐Gary匆匆趕至，同大家講番句唔好意思，就正式開會喇。
建制4人退會 效率好高
建制派早前為咗選正副主席時有足夠人數確保主導權，要求每個建制議員都加入「2+11」，即係財委會轄下兩個小組，以及11個事務委員會。隨?各委員會選完主席，Emily聽聞建制內部噚日有信息，指大家可以退出番「捱義氣」加入嘅委員會，其中人力事務委員會今日先正式開第一次會，但噚日已先後收到廖長江、陳振英、周浩鼎同柯創盛4人通知退出嘅信，退會效率非常高。
更多港聞
【明報專訊】《施政報告》提到政府致力「在維護現有一男一女、一夫一妻的婚姻制度的基礎上」，促進不同性傾向同跨性別人士嘅平等機會。一直推動同志平...
詳情
與台北故宮合作 配合AR技術 城大動物展活現古地圖噴水魚
【明報專訊】欣賞古時描繪動物的畫作，往往需要一些聯想力，始終古人對動物的理解或與現今不同，香港城市大學與台北國立故宮博物院合作舉行展覽，利用... 詳情
相關新聞
