【明報專訊】沙中線聆訊10月開庭以�薄A牽涉大量工程名詞同概念，不時考起聽審�顁mily同行家。噚日有證人用Powerpoint向委員會解釋車站點計工程結構承載力，因為內容都幾深，連庭上大狀都「被考起」，代表總承建商禮頓�儭窶`大律師石永泰、同委員會代表大律師卓元暢就異口同聲話，自己雖然有A-level(預科)物理程度，但都覺得難明咁話。

話說庭上都出現過好多行內術語，例如講到鋼筋接駁�麰袑氻隤k、錨力(anchorage)等名詞，通常解釋多幾次大家都會明，但沙中線工程設計顧問公司阿特金斯(Atkins)亞太區結構部主管宋治民作供時，提到月台層板承載力有唔同model(模型)、測試方法，同電腦軟件，其中一款叫SAP2000，就聽到現場唔少人「一�蓿部v。

Emily一邊聽住現場廣東話翻譯，聽到翻譯員細細聲講�鬙y「點算呀，我唔識譯」，但好快就好專業咁繼續譯落去。當證人講完簡報第一頁，石永泰大狀已經忍唔住開腔，話自己雖然有讀物理，但掌握都有難度，仲話有提醒禮頓證人，作供時要確保連5歲細路哥都明白。

證人之後再由頭解釋一次，委員會主席夏正民都忍唔住問委員會大狀，係咪預聽呢個證人供辭�幭必陶ㄕ酗u程背景？卓元暢之後語帶無奈咁話係，話因為係想幫助委員、倫敦大學學院建築和基礎建設政策教授Peter George Hansford撰寫報告，所以傳召呢個證人講解工程問題。